张栢芝贺Quintus 12岁生日 感激暖男囝囝成为依靠

etin

艺人张栢芝育有3个囝囝，几母子感情甚好，近日系二仔Quintus（谢振南）嘅12岁生日，栢芝就制作影片贺寿，晒出多张Quintus由1至12岁嘅靓相，见佢由小到大都咁可爱，现时更变成“阳光小型男”，绝对有爸爸谢霆锋嘅影子。片中栢芝仲分享对囝囝嘅深情说话，记录Quintus每个年纪嘅难忘时刻，1岁学行、2岁第一次开口嗌妈妈等，其中讲到Quintus 8岁时已经系个小小嘅男子汉，勇于挑战一切事物，11岁则成为佢嘅小暖男，畀佢放心依靠，佢又祝愿Quintus可以继续保持率真、快乐无虑！