被老公笑讲一套做一套 江若琳：佢好烦！

etin

女星江若琳（Elanne）同老公萧唯展（Oscar）爱得甜蜜，不时喺社交网甫相放闪，今次就轮到Oscar出招，Oscar喺社交网贴出一张老婆江若琳嘅相，相中Elanne正喺度用手机对住一大碟饭打卡，Oscar就留言：“老婆寻日好认真话：‘我唔会再食淀粉质’，果然讲得出做得到...”贴文一出即时引得网友哈哈大笑，Elanne就留言反驳：“我讲紧夜晚呀”、“极烦佢真系”。网友亦都留言帮口：“我相信她只有吃蛋和肉碎”、“要屈你个post先出得成”、“今晚跪玻璃”、“天生丽质！食乜都冇问题！”，但亦有网民好奇留言问Elanne：“碟饭量5碗都有，食得晒？”，占唔到Elanne竟然答“清！”，咁难怪佢话夜晚唔食喇！