被邓健泓“背叛”！李施嬅：佢好低能啰

etin

无綫剧集《金宵大厦2》演员陈山聪、李施嬅、张彦博、丁子朗、伍乐怡、连诗雅等，昨日（22日）在将军澳电视城出席宣传。李施嬅戴上眼镜亮相，指眼睛已经逐渐康复，现在细看右眼仍会大细眼，还要接受个半月疗程，希望尽快痊愈从投工作。

​讲到她的旧爱邓健泓接受网上节目访问，指当年背住她，偷偷地沟石咏莉，被网民轰渣男，施嬅则大方回应说：“当时唔知，如果知道佢会做咗佢老婆，当时就叫佢（指邓健泓）快啲去搵佢（石咏莉），我唔好阻住晒。我都唔差，但系佢都去Flirt人，咁即系佢都几好，几有缘啦。大家唔使介怀啦，我依家都有个咁正嘅，好多嘢都唔记得晒喇。（邓健泓亏欠你？）好多事大家唔清楚，就去判断、闹咗先，佢依家都做咗佢老婆啦，我觉得OK嘅。（重提旧事对你有冇影响？）冇呀，我哋依家仲系朋友，但系觉得佢好低能啰，点解会咁讲出嚟自己畀人闹，哈哈。”她又强调当年两人分手，与石咏莉无关，只是大家性格不合。

剧集破格

《金宵2》接获通讯事务管理局36宗投诉，指节目内容令人惊恐、及有种族歧视之嫌，山聪说：“其实第一集就已经系惊吓，相信第一集就已经收到投诉，《金宵2》亦唔系合家欢嘅剧，系另类剧集。”李施嬅则觉得剧集相当破格，监制、编审应记一功，但观众要时间适应剧种，她说：“今次Budget多咗，套剧啲电脑特效、化妆都好逼真，我自己都惊惊哋。”