蔡嘉欣自嘲拜金KOL 买卖手袋随时赚过10万

etin

前港姐蔡嘉欣入行以来一直被封“拜金女”，饱受负评嘅佢以往曾反击网民但始终无果，近期索性自嘲，于个人影片平台拍摄“拜金系列”，近日仲拉埋《姊妹淘》好友陈诗欣，齐齐组成“拜金组合”，大晒名牌手袋，更自封系“拜金KOL”：“一睇呢个阵容就知我哋呢个拜金组合又come back喇！我哋依家已经变成呢个拜金嘅NO.1指标，拜金KOL！”其中嘉欣讲到2019年曾入手锡器灰嘅爆红手袋，自爆花咗7万5千元，但在旁嘅陈诗欣却大感惊讶：“咁平？你知唔知我呢个贵一万，我呢个袋8万5。”言论相当“离地”！不过佢哋最尾亦表示买手袋并非只系奢侈品，其实好保值，分分钟仲系置富之道，皆因上述嘅手袋已炒至20多万，变相高足接近两倍价钱，故佢哋极力推介女士们入手：“支持你入坑！”