艺人李思捷在将军澳电视城为身兼监制与主持的游戏节目《思家大战》进行拜神仪式,首集嘉宾包括有汤怡、陈家乐、吴浩康、泳儿等。思捷暂别无綫3年,对上工作要数到剧集《她她她的少女时代》,期间自己制作音乐及写剧本,他说:“一直有两个愿望,第一个《今晚睇李》已经做咗,另一个愿望就系想做呢个游戏节目,今次公司买咗《Family Feud》版权返嚟,节目已经有45年历史,75个国家做过,我10岁已经开始睇,就系香港一直冇人买嚟做。”
思捷指节目总共会送出100万奖金奖品,每集胜出终极游戏大奖的一队可获5万元奖金,问到节目为无綫争收视打仗?他说:“又唔系嘅,我觉得有竞争先好玩,一个台玩晒边好玩,咁样先健康,胜负唔重要,有人讲吓都好呀。(对收视有冇信心?)我有信心会做得好先出街,收视就要睇天时、地利、人和。(曾志伟搵你返嚟做?)系,其实呢个节目5年前我已经推荐过,但系时机唔同,就算5年前志伟喺度都未必做到。”
|