13岁仔高大激似张继聪！谢安琪出手晒幸福

etin

艺人张继聪日前去到澳门拍戏，最近终于返到香港同老婆谢安琪（Kay）及一对仔女团年过节，咁就梗系要把握时间去玩啦！一家着上大地色系家庭装去郊游，Kay化身摄影师为三父女留倩影！阿聪锡囡囡Karina真系锡到燶，又拖又抱，仲要做牛畀Karina骑上膊，真系廿四孝爸爸呀！而现年13岁嘅仔仔James生得好高大，仲愈嚟愈似老窦，插晒裤袋咁劲Chok影相，加埋戴咗口罩，唔少网民都话骤眼睇以为系阿聪，“个仔同女真系有父母嗰影”、“一样咁型”、“两个小朋友都好张继聪”、“仔仔大咗好多！😍成个韩星咁”！​