愈难愈爱！帮男友洗底 沙律拜年见家长：好难得

etin

现年29岁的33E宅男女神张沛乐（沙律）去年卷入桃色风波，爆出与组合ERROR成员吴保锜挞着，但男方却被指与前度未斩缆，令她背上“小三”之名。趁农历新年，她亲往黄大仙祠买风车求转运，希望赶走是非，虽然负面新闻缠身，但她坦然面对且问心无愧：“上年都算幸运，经一事长一智，是非好难避免，实有人唔锺意我，啲人唔锺意我把声，唔通我以后唔讲嘢，啲人唔锺意我个胸，我系咪要封胸，我唔想讨好任何人。大家未必睇到所有真相，自己嘅感觉系最真实，只要我行得正、企得正就够！”

她指现阶段与男友相处舒服，能做回自己，更为对方发声：“可能大家唔太认识佢，佢有时喺电视上讲嘢好轻佻，好易令人觉得佢信唔过，但我知佢边句真、边句假，佢系一个真性情嘅人。”至于2人恋情不被外界看好，她直言：“好多人谂咸湿嘢，觉得保锜同我一齐一定因为我波大，但太肤浅啦！”她更透露在新年首次见家长：“我觉得好难得，我哋屋企都属于比较严，但双方家人都好支持，喺最困难逆境见到真正嘅朋友、屋企人。”

谈到新年大计，她透露牛年将有更多拍剧机会，更预告相隔3年，再推出写真集。她说：“我之后有套剧其中一个单元做女主角，饰演杀人犯，都好大挑战性，顺便抒发负面情绪。今年我都29加1，希望有啲突破，写真除咗性感，都会有文字分享自己嘅价值观。”​