单身冯盈盈开3大择偶条件 原来至冧呢位男拍档！

etin

艺人冯盈盈昨日出席《送鼠迎牛开运王》拜神仪式，对于她在《#后生仔倾吓偈》中讲到闪婚实出事，被指是暗寸医生旧爱Martin，她对此否认：“我绝对冇呢个意思，系节目效果，我系讲自己情况，因为我对闪婚比较陌生，我自己连对象都冇，对于Martin我绝对系大方送上祝福，祝佢同新婚太太恩恩爱爱、甜甜蜜蜜、连生贵子。”

她指自己登上网上搜寻最热门的第10位，笑言希望新1年愈来愈旺，有更多人支持及关注自己，问到是否因为其闪婚言论所致？她表示：“我真系唔知，可能综合，因为我之前撞车，事发地点比较开扬，好多途人见到，我仲畀人影咗相，我个样真系几慌张。我有主动话赔偿，想留番助手个联络畀佢跟进，但对方话小事，所以化解咗。（有冇写和解纸？）冇，佢仲叫我努力，期待我攞视后同影后。我哋影咗相，我仲美颜咗张相先畀佢。”

受访期间拍档林盛斌（Bob）叫她不用担心，会为她介绍对象，盈盈称：“佢系出名媒人王。（唔要医生？）佢有好多选择。（有咩要求？）搞笑、幽默、有趣，好似阿Bob咁，凼到我开心。（阿Bob咁嘅外表呢？）都冇问题，正呀呢啲外表，好特别，我锺意非主流。”另外，对于无綫有一名见习编剧初步确诊新冠肺炎，盈盈坦言刚得知有关消息：“但冇人联络我话我系密切接触者，所以对我嚟讲应该冇咁迫切，而且我有做足防疫措施。我自己每日都会做快速测试，买咗几盒，20分钟就知道结果，keep住检查，保障自己同家人，我都送咗几盒畀合作嘅同事，确保大家都系健康。”​