【婚后首现身】朱慧敏冇戴婚戒爆原因系？

etin

艺人朱慧敏（Queenie）自从上月尾嫁心脏科权威陈良贵（Jason），婚后首度现身粉岭做义工派发福袋，成为人妻的她容光焕发，心情大靓！及后孖好友王贤志（Vinci）受访，甫开始记者向Queenie送上祝福、兼称呼她做“陈太”，她都非常受落，问到为何不戴家传之宝婚戒？她笑说：“在心中！（惊派福袋派埋出去？）我哋婚前有协议唔戴戒指嘅，陈生因为做嘢关系，经常要洗手、戴手套唔方便，所以就摆喺屋企。（价值连城要锁夹万？）就咁摆屋企咋。”

爆爱的昵称

对于新婚生活，Queenie话都习惯做人妻，因为平时都有做开家头细务，问到是否要改口叫Jason做老公？Queenie怕丑话未曾叫过，追问双方昵称时，她本来“求饶”拒绝透露，但之后都破功：“佢系陈医生嘛！要保护番佢个专业形象。（屋企叫佢‘医生，帮我检查心脏’咁？）哈哈！叫Baby、BB咁啰！佢就会话‘Hello my wife’，喺人前介绍佢都系‘先生’、‘丈夫’，我哋好相敬如宾。”几时生B？她打算1、2年后才努力造人，问到计划生几个小朋友：“因为Jason都锺意小朋友，Vinci成日都催我，顺其自然啦。”Vinci抵死笑说对方“年纪唔细”，又举手自荐做契爷帮手凑B。

讲到Queenie日前跟老公开Live分享医学资讯，围绕身心灵话题，Vinci闻言大赞Jason有主持风范：“习惯喺镜头前面讲嘢，好淡定、自然，结婚相啲Pose好佻脱，好适合做幕前。”问到Queenie是否训练老公有素？她却笑说反而要由老公做主导：“佢Train我呀！佢口才好好、转数又快，平时都做好多医学访问、讲座，好开心今次Live有20几万点击率，自己有临床催眠治疗专业牌照，成功医治啲有抑鬱、自杀倾向嘅患者。”又谓之后想邀请Vinci及其另一半做嘉宾，不过Vinci却透露另一半现身处澳门：“佢要陪屋企人过新年。（你唔去？）隔离要好多时间，自己香港都有屋企人，今年各有各过，情人节都提早庆祝咗。”​