廖碧儿避谈黐住卢启贤食生日饭：一直系朋友

etin

艺人廖碧儿（Bernice）及林晓峰（阿Lo）主持ViuTV节目《是滴是友》，两人笑言想不到嘉宾十分饮得，阿Lo笑言：“我饮咗几杯已经呆呆哋，但Bernice都仲keep到笑容，唯一系赵学而唔饮得，佢唔系饮，系舐。”Bernice说首次做主持，要做很多功课，笑言中文不好，要全靠阿Lo表达意思。

提到好友岑丽香宣布怀有第2胎，问到Bernice可是之前已经知道？她笑言已恭喜对方：“开心事留番畀当事人自己宣布。”问到可会心急结婚生子？她笑言：“冇呀，我已经有7只狗仔，人仔唔使咁心急。”阿Lo闻言即帮手挡驾，指对方追求者大排长龙：“我都排唔到龙尾，只系有幸一齐做节目，有时我都尽量NG多啲。”

日前Bernice网晒和朋友们替她庆祝生日的合照，相中与她关系扑朔迷离的卢启贤，坐在她的身边，对此她即笑住避谈：“同佢一直都系朋友，大家圣诞、新年都要隔离，趁lunch齐聚下。”问到两人今年结婚的传闻是真定假？她即落闸：“唔知喎，不嬲都唔讲呢啲，到我真系结婚会同大家讲。”

另外，对于曾志伟成为无綫副总经理，问到可有叫阿Lo回来帮手？他表示：“呢个世界冇嘢冇可能，我都有恭喜佢同王祖蓝。”​