“攰爆”袁伟豪带埋电视遥控器开工 黄智雯：神经错乱？

etin

无綫小生袁伟豪（Ben）之前认攰，搞到个样好残，仲无啦啦爆Seed叫人即管继续话佢食软饭，证明佢真系几在意畀人乱咁讲。

讲真，Ben真系好忙，又要拍剧，又要照顾新婚老婆张宝儿，有时忙到自己做咗啲嘢都唔知，咁到底系乜？咪就系佢带咗个电视遥控器开工啰！

佢就喺社交网留言话：“灵异事件，今早我如常外出工作，到化妆间准备是日外景拍摄，化妆后突然之间发现裤袋口中有家中电视的遥控⋯⋯要好好把它保管！”是他也是你和我，其实好多人喺太攰，又或者唔知做咩情况下拎咗啲唔知咩嘢返工，连好友黄智雯都问Ben系咪“神经错乱”，郑世豪仲好笑，叫对方：“顺便试吓化妆间部电视用唔用到！”系喎，可以一试喎！​