猛男得个样！陈家乐丁子朗开波要刘颖镟指导姿势

etin

艺人陈家乐、丁子朗、刘佩玥（Moon）、刘颖镟（Tiffany）等一班无綫剧集《把关者们》演员于上水拍摄一场打篮球戏份，家乐受访时表示这几天拍摄都很吃力，不是打波就是行山，原本还有一场与子朗一起落海拍摄的戏份，但导演指剧情可免，想他留力，本来贪玩想落海的他，无缘一尝寒天下海的滋味。家乐谓：“寻晚我用手掂过啲水，都好冻，不过讲到打篮球，我真系唔掂，Tiffany系高手，佢见我动作有问题，即刻指导我，令我入咗人生第2次嘅3分波。”

而于外国长大的子朗表示小时候多打羽毛球，本来想玩曲棍球，但遭母亲阻止，他说：“我细个好潺好瘦，妈咪惊我受伤，所以唔畀我玩，我依家都要饮奶粉增肥，食极都唔肥。”3月他要开拍青春剧《青春不要脸》，身为90后的他更要演80年代角色：“会怀旧啲，监制都要求我留长少少头发，暂时只系知剧中角色唔系特别靓仔，有少少丑添！”

而Tiffany受访时表示6岁开始打篮球，对于家乐、子朗的球技，她大赞似模似样：“佢哋今朝先开始学，姿势好好，出嚟效果好似真系好叻咁，今次剧入面我系一个体能好差又虾碌嘅人，今日只系做啦啦队，（锺意打篮球叻嘅男仔？）未必打篮球，但都锺意运动型。”

至于剧中与黄庭锋饰演夫妇，育有一名儿子的Moon首次饰演人母，现实生活中喜欢小朋友的她笑言此角色可以表扬在职妈妈们：“原来生小朋友真系要考虑好多嘢，今次拍呢个角色令我谂咗好多嘢！（怕咗？） 又唔会，我同剧中个仔感情好好，仲约法三章拍完都唔会同佢斩䌫，第日会同佢去主题乐园玩！”