爆黄心颖想复出 乐易玲：要睇其他人接唔接受

etin

无綫高层乐易玲出席开幕礼，问到最近有否跟黄心颖联络？她坦言一直都有保持联络，上星期还相约一起食早餐。问到心颖现时心情如何？她表示：“都OK㗎！咁耐冇见食吓早餐、倾吓偈、关心吓佢，觉得佢开心嘅，有好多朋友关心，佢话有做运动，见到佢都好Fit。”乐易玲大爆心颖有提出回归幕前意向：“今次佢真系有讲，大家商量吓，佢咁后生，谂吓将来有啲咩机会。（继续喺呢行发展？）大家冇深入去倾呢件事，唔想畀压力佢，反而嗰日食到临尾我都有问佢有咩打算、考虑留抑或离开，我唔系讲紧TVB，我系讲香港、娱乐圈，佢都话会返去认真谂吓。”问到有否给予对方更多意见？她续说心颖至今仍然是无綫艺人、签下长合约，若然决定离开亦要同公司处理合约问题：“希望佢唔系意气用事，之后会再约佢。”另外，她提到心颖还有人工未取，下次可能带给对方！

有传心颖有8年绑死长约，乐易玲代为澄清：“当时佢系公司力捧嘅一批花旦之一，都签咗好耐，冇数过几多年，但一定唔会少过嗰个数（8年）。 （如果佢要走就赔钱？）唔会，我觉得唔系钱嘅问题，佢又唔系跳槽。”问到如果心颖最后决定留低，公司会再给她机会？她欲言又止：“呢啲唔系咁主观佢话想就想，都要睇佢出嚟其他人会唔会接受，唔接受又冇理由行出嚟畀人讲。”​