叫胡鸿钧畀条生路 蔡思贝庆功食饭要AA制

etin

出炉视帝后王浩信、蔡思贝在电视城为台庆颁奖礼取得好成绩庆功，准备了蛋糕、果篮答谢公司各部门同事。王浩信表示得奖后没有庆祝，问到女儿也没有为他庆祝？他说：“都冇，因为自己都唔食得甜嘢，同埋都好少食蛋糕，佢知道我攞奖嘅，都有恭喜我，戥我开心。”讲到蔡思贝的绯闻男友胡鸿钧在《劲歌金曲》颁奖礼，夺得“最受欢迎男歌星”奖项，她说：“好戥佢开心，佢第一次攞呢个奖。（个奖得一半？）Happy Share嘛，同佢系同一个年代嘅艺人，佢属于音乐范畴，我就系演艺路上，但系大家一直好似并肩作战咁。（佢叫你唔好唱歌抢佢饭碗？）佢冇理由咁冇自信，佢系唱歌小王子，我唱歌只系玩，畀条生路行吓好喎。（会唔会食饭庆祝？）未恭喜佢，大家系朋友都会食饭庆祝。（大家都攞奖边个请？）咁AA制啦，哈哈。”对于被传搭上有米人夫？她说：“唔系事实嘅嘢唔回应，所以今次都好静态去回应，希望大家睇到我努力工作，会觉得我系值得攞呢个奖，唔需要去澄清，用时间去证明我工作上嘅努力。”​