杨思琦封肚唔再生 2个够晒数！

etin

艺人杨思琦为香港开电视外购日剧《夏空》唱主题曲，今次是她10年后再唱剧集主题曲，虽然去年已推出歌曲《爱的森林》，但一向做事认真的她请了唱歌老师上堂指点技巧，她说：“接到电话话搵我唱歌，话故事嘅女主角好似阿信，好似我咁坚毅、奋斗，好快应承咗。首歌好明快、鼓舞、阳光，套剧有成百集，工作人都话系洗脑歌，希望同大家洗脑打气，喺屋练歌个女都跟住唱，佢仲同晒啲同学讲，之前又派《爱》嘅CD畀同学，系我头号fans。”

她希望将来有机会母女档合唱，但指女儿的性格与她大不同：“佢嘅天分系鬼灵精，脑筋好灵活、反应快，估唔到佢谂咩，但就唔够勤力，同我性格好唔同。”现时她的儿子开始牙牙学语，听到音乐会手舞足蹈，似乎遗传了妈妈的演艺天分。对于儿女将来会否入行，她说：“顺其自然啦，个女都锺意表演嘅，等佢读好啲书先再讲啦！”除了歌瘾，思琦自然亦有戏瘾，但碍于疫情和要照顾子女，暂时也难以抽身到内地拍剧，希望将来有机会在香港拍摄，就能家庭事业两兼顾。

疫情下她指最大得着是与儿女朝夕相对，补偿当年照顾女儿的参与度不足，她说：“生咗第一胎2个月之后就做嘢，个仔就百分之二百照顾，辛苦但系开心嘅。”不过，她直言两个够晒数，凑成一个好字已满足，她说：“唔生喇，年纪大好难收身，亦冇咁多精力、体力照顾。”​