遭蔡思贝降呢朋友 胡鸿钧：要检讨自己

etin

歌手胡鸿钧（Hubert）在《2020年度劲歌金曲颁奖典礼》后台接受访问，提到绯闻女友蔡思贝夺得视后，他称仍未有机会跟对方庆祝：“佢未得闲，我都未。我要恭喜佢，戥佢开心，现场有喺佢身边叫佢加油，我之后都有传短讯恭喜佢。（佢话同你唔同范畴喎！）的确系，佢系艺人，我系擅长唱歌，演戏方面要努力。（有冇请教思贝？）有互相分享大家嘅专长，佢有问我唱歌，我有问佢演戏，大家有沟通，佢唱歌有天分，但我叫佢唔好唱，唔想佢抢我饭碗。”

对于有传思贝被有米老板力追？他坦言有留意报道，问到会否感不快？他说：“我冇，呢个圈人红是非多，佢刚攞完个大奖。（觉得系是非？）系新闻。佢喺工作同生活上都好独立，靠自己。（独立成点？）佢好叻，身边人关心佢多过佢关心自己。（嗰个人系你？）佢有好多。”问到两人关系时，Hubert以好朋友来形容，但讲到思贝将他由好朋友降呢为朋友，他笑言：“我要番去检讨吓自己，可能我当所有朋友都系好朋友。（佢系咪好耐冇借你家姐架车用？）我都唔系好清楚，最近冇，唔系好耐嘅事，佢都唔好意思，我话好朋友之间互相帮助冇问题。”再问思贝是否有新恋情？他笑谓：“我关心自己有冇新恋情多啲，有会同大家分享。（你依家单身？）我都系唔回应喇！（冇新恋情，但系有旧？）我仲系同父母一齐住，冇新旧之分。”

胡鸿钧与周柏豪同样夺得“最受欢迎男歌星”，讲到首次攞此奖便要与人平分，他说已经很开心：“真系冇谂过，系好大嘅认同，呢个奖系个责任，推动我未来日子要继续努力。”讲到他全晚夺5奖成男大赢家？他谦称：“冇分输赢，出席嘅歌手都系赢家，大家喺呢段时间仲坚持继续出作品，已经值得畀掌声自己，都多谢公司，我喺呢度已10年。”他亦谓希望今年可以开到去年因疫情未能举办的演唱会。

而讲到他与绯闻女友蔡思贝，一个是“歌王”，一个就“视后”，他笑言：“等我哋睇吓搵日一齐庆祝啦，希望有时间，因为我后日就入剧组，之后就要转形象，剪个清爽发型。”