​无綫小生黄宗泽(Bosco)与花旦张曦雯(Kelly)在新剧《飞虎之雷霆极战》俊男美女配搭,戏外亦老友鬼鬼。原来两人是首次合作,但因二人性格皆爽朗,很快已成为好友,Bosco说:“佢喺外国长大性格好爽朗,我哋又一齐去英国拍外景,收工就一齐食饭、饮嘢、买嘢,就系咁friend咗。”张曦雯笑说:“我嗰边嘅戏份唔多,每日都系等佢收工一齐食饭、行街。其实我哋之前已经认识,只系唔熟,同埋我系由细睇佢啲电视剧睇到大,哈哈。”黄宗泽则说:“佢寸我,话我读中学嘅时候佢仲系BB喎。”
剧中饰演“校花”的张曦雯读书时却没有人追求?她笑说:“读书嗰阵我唔系校花,锺意打机同埋夹band,好男仔头冇人追,去到学期尾终于鼓起勇起约校草去舞会,但系最后都冇拍拖做好朋友到依家。”黄宗泽则指读书时是肥仔一名,眼见同学受女仔欢迎才“发愤图强”,他笑说:“我肥到只猪咁,梗系唔系校草,最尾两年参加泳队先瘦返,所以话所有肥仔都系潜力股。”
黄宗泽在张曦雯在旁“威胁”下承认她是心目中的“女神”类型,他笑说:“如果拣女朋友一定要爽朗,唔好斤斤计较、小器,真心讲佢性格真系好正,仲有少少mix嘅味道,梗系我心目中嘅女神。不过佢有男朋友啦,我叫佢介绍啲朋友畀我识,但系一个都冇介绍过啰。”张曦雯笑说:“佢要求咁高,等我慢慢同物色。”
张曦雯出名爱打机,但打机却成为两人的阻碍,黄宗泽笑说:“之前整亲只脚喺医院,佢真系够朋友攞部游戏机畀我解闷,但系我唔锺意打机,就系唔打机所以我哋挞唔着,哈哈。”张曦雯与英日混血男友Brunyez皆是游戏机迷,感情稳定,问到可有结婚计划?她说:“以前希望廿几岁就会结婚、生仔,但系依家30岁反而觉得结婚好遥远,依家好开心,大家都唔心急结婚。”适婚之年的黄宗泽坦言被朋友催促,但他则说:“可能我系单亲家庭长大,所以一向冇幸福家庭嘅画面,阿妈又冇催,冇乜所谓啦。”
|