陈豪想再追多个？定欣喂夜奶惊咗生B

etin

无綫节目《东张西望》15周年纪念，加上迈向4,000集，台前幕后节目结束后切蛋糕庆祝，并邀来特别嘉宾包括陈豪、胡定欣及黎耀祥，由高层向他们颁发“人气之王”奖牌，事关经统计后他们接受节目访问最多，场面相当热闹。

陈豪及胡定欣事后齐齐受访。他们感激节目帮手纪录人生点滴，定欣谓：“头先睇番好多片段，勾起昔日往事及回忆，好难忘。”陈豪接口：“睇番自己以前光头同有头发等等，真系历史见证。（自己储存起昔日一啲访问片段？）咁又唔会，生活应该向前行。（往事不堪回首？）其实都可以有好多回忆嘅。”

定欣表示对上一次亮相无綫节目已是数月前的事。当再被追问合约问题，她表示：“一直都有同公司倾，适当嘅时候会有公布。”她又透露自己荣升姑妈：“细佬做咗爸爸，今日BB啱啱100日，呢段时间见证咗小朋友嘅成长，我都试过帮手喂夜奶，亲身试过先发觉原来凑BB真系唔容易。（自己生番个？）经历过喂夜奶，真系有啲怕怕。”

陈豪膝下有3位小朋友，难怪他“自豪”表示可以跟定欣分享喂夜奶的经验。记者打趣问他如此喜欢小朋友，会否考虑“追多个”？他笑言：“唔系冇可能嘅，随缘啦，不过依家比较想集中火力照顾3个小朋友成长先。（断担挑喎？）其实都系多双筷子啫，不过坦白讲追到个女已经好美满，可以见好就收。（挑战林盛斌成无綫多仔公？）呢位施主（记者）咁认真嘅？（今年内有冇声气呀？ ）对于目前环球经济嚟讲暂时都唔系咁理想。”​