无綫节目《3日2夜》女星胡美贻(Nicole)3年前只身由美国返港参选港姐,与拍拖多年的男友分手, 此后一直单身。平日不用开工的日子,她大多约朋友外出消遣打发时间,不过每当夜阑人静,她都会感到寂寞,尤其最近因疫情日日宅在家,更想有个男友慰借,故激发起已沉寂多时、想再闯情关的意欲。
“扮死”换取成功感 经历过情伤的Nicole,对展开新恋情一事小心翼翼,问到现时可有追求者?她说:“唔多唔少都有,但未系交到心嘅朋友,要认真发展就要慢慢拣。(你系咪黐身女友?)我一啲都唔黐身,会畀最大自由度佢, 最紧要对方忠心。(愿意为佢牺牲?)我咩都可以迁就佢,唯一嘅系事业唔得,呢样嘢紧要过爱情。”由新闻主播到参演处境剧《爱.回家之开心速递》, 到早前客串剧集《法证先锋IV》饰演以胶袋笠头自杀、再以死尸扮相上阵, Nicole逐渐为观众所认识,她笑说:“会有成功感,想继续进步。其实我演戏好嫩,暂时都系将自己代入角色,加上人生经验唔够,所以都想上堂学演技。”
视佘诗曼为模范 芸芸艺人当中,Nicole一直视佘诗曼为学习对象,大赞她神态及姿态都出众。虽然入行时阿佘已离开无綫,但Nicole庆幸仍有机会采访她:“当时《延禧攻略》宣传,终于可以见到偶像真人!佢真系戏内外都好有气质,我有当面赞佢。我梗系开心,当时系咁煲套剧,会不停Loop同一场口,佢讲对白快得嚟又肯定,好坚,所以都想有日好似佢咁成功。(畀自己几多时间喺娱乐圈发展?)应该仲有3、4年咋,我冇话要做到点样,只要身边人对我有肯定,都继续想做。(奖项呢?)有提名先啦!父母一开始冇畀压力我,又唔使我养家,只要自给自足就得,所以想做番啲成绩出嚟。”
|