艺人沈震轩现身将军澳电视城,正准备出发去元朗南生围拍摄古装新剧《一笑渡凡间》,他笑称拍摄场地是“灾区”,人、蚊同样多,好墟冚:“一到假日真系多人过弥敦道!萧正楠一早就去咗拍,我好惹蚊,上次畀蚊咬到头,所以会丧喷嘢。”见沈震轩左脚戴上护膝,他自爆是因打戏而令旧患复发:“系细个滑雪整亲。(点再整亲?)嗰场戏系我要打剑,系啲动作戏。”女友陈欣妍咪会心痛?他即转冧样话:“佢叫我小心啲啰,依家年纪大咗,拍剧都唔到我唔锡身,挨两晚夜都冧厂。”又抵死笑话可预演另一套剧《超能使者》的装义肢角色。
提到女友日前生日,问到如何庆祝?他笑指有专登攞假出街食饭庆祝,避免再重犯死罪:“佢好注重节日,我生日都冇攞,系佢先攞,不过攞完系要还,第二朝开06,所以都唔可以食太夜。(有送礼物?)有送少少。(戒指?)唔系呢啲咁嘅嘢,佢好易满足,食餐饭就好开心。”是时候成家立室?他谓都37岁,是时候想结婚,又Sweet爆指视女友为对的人:“每次拍拖都会谂结婚,系好实际。(有Plan?)冇落实Plan嘅,希望所有嘢安定番啲先。”讲到TVB小生锺意追ViuTV女星,例如张振朗同杨偲泳,问到是否隔篱饭香?他笑言:“咁咪好啰!大家合作!(同隔篱台拍拖有压力?)冇嘅,自己唔算高调,但会照出街食饭、拖手。”​
|