艺人高海宁(高Ling)在西贡拍摄无綫新剧《七公主》,剧情讲到她撞破戴耀明与谭嘉仪“车震”,她说:“第一次撞破车震,所以都少少兴奋,剧中戴耀明系我兄弟,我租咗架车畀佢住,呢场戏佢就同谭嘉仪拍激情戏,喺咁热嘅天气下,热血沸腾咁搞搞震。(现实中有冇咁搞笑嘅经历?)未试过呀。”问到剧中她都可有亲热戏?她说:“暂时未见,不过会面对好多祼男,有好多眼福,例如有陆永。(你同陆永一对?)我有几条感情线,唔好睇我咁Man,其实套剧最多感情线系我,原来依家啲男仔锺意呢一类,可能性格比较爽直。”
留有一头短发的她谓新发型是几好的尝试:“我未试过咁短,洗头几爽,吹头5分钟搞掂,其实开头剪得唔够短,我同监制讲短啲再好啲,呢个头都帮到我入戏。”她又自爆现时一举一动都Man了:“细佬话好似多咗个阿哥咁,因为我连讲嘢把声都特登压低咗,但好自然,剪咗呢个头之后啲动作会Man咗。(唔惊Man咗反而阻住姻缘?)唔急嘅,仲有几个月闭关拍呢套剧,之前我见邓佩仪讲过短发冇人追,长发先有人追,所以我想试吓系唔系。(暂时有冇?)啱啱剪咗唔系好耐啫,所以可以观察吓先。”
|