艺人胡鸿钧(Hubert)、谭凯琪(Zoie)等《降魔的2.0》演员派送抗疫物品给的士从业员总会,Hubert表示自己集集都有追睇,讲到他日前一集强吻邓佩仪,他笑言:“唔系强吻,双方你情我愿,相信佢好开心。(你呢?)三生有幸。”Zoie即笑问他:“你有冇畀人扭耳仔?”与蔡思贝传绯闻的他诈傻笑言:“边个?我妈咪?佢最多话我做得唔够好。” 请教蔡思贝做戏 问到拍时可尴尬?他表示:“唔尴尬呀,因为大家都专业,邓佩仪都lead到我,令到我唔紧张。”他又谓今次非萤幕初吻,问到现实中不多经验,才要人lead住?他即扯开话题想请教Zoie,追问下才坦言:“现实生活唔系好多,都希望多啲机会练习。(冇对象练习?)未有呀,好失望。(思贝呢?)仲未有机会呀。(叫佢帮你练习演技?)绝对有呀,佢演戏好有心得,所以同我分享演戏经验。(咀戏使唔使请教佢?)所有关于做戏都会请教。”他又笑言羡幕此剧马国明多艳福:“佢同好多唔同女演员都有身体接触,我同监制反映吓先。” 谭凯琪被问“你系咪人!” Zoie则分享拍吻戏的心得:“幕前同现实唔同,有前辈教咀嗰阵好似食紧嘢、咬紧嘢咁,睇落去就好似投入啲。”问到现时拍咀戏老公批准?她坦言:“佢接受能力都高,当然睇剧情,佢都大方嘅。”她又笑言最近出街经常被人问“你系咪人”:“我以为畀人闹,原来系讲紧《降》。”
|