现年68岁嘅影坛大哥大洪金宝近年膝盖出现问题,做过手术亦曾靠坐轮椅代步,为健康着想决心减肥,去年12月佢公开现身资深动作演员陈星追思会时,仍健步如飞,日前好友、乐坛校长谭咏麟喺社交网公开合照,就见到洪金宝忽然暴瘦,未知是否减肥成绩惊人之果,正面睇佢脸颊比以往明显消瘦,亦暴露出颈纹痕迹,虽然精神甚佳,不过都吓亲一班网友! 谭咏麟在社交网上载两张合照,见佢哋一行四人齐齐聚头试洪金宝手势,仲大赞好食添!谭咏麟写道:“今午洪大哥亲自下厨整几味拿手小食,真系好食到呢⋯⋯👌👏 ”于另一张合照中,就睇到洪金宝侧面都有肉地,仲有笑容,但仍有不少网友留言嗌佢要食多啲,保持均衡饮食,留意健康。
|