孭起头家压力大！麦包送外卖张松枝企街赚钱

etin

52岁麦长青（麦包）与51岁张松枝之前为ViuTV节目《中佬唔易做》拍摄 ，二人分别试做出租Van司机及Now TV街头Sales。男人金句正所谓：“唔赌唔知时运高，唔滚唔知身体好。”相信两位中佬真的“唔做唔知咁襟捞”，打混这么多年，有甚么难倒他们。

麦包做出租司机

麦包以前曾做过跟车，今次就做出租司机三日，坦言：“行行都艰难。”不过难还难，一样胜任到，麦包说：“依家好好嘅，唔使搬嘢，约咗门口交货，个客自己攞！净系揸车已经得，不过我好好，我有帮手搬货，最辛苦系要抢单，同人斗快，同埋做GOGO VAN唔使理尊严嘅，我系老细，我就大晒，但做演员就冇尊严嘅，导演闹你就闹你，啲前辈演员锺意恰你就恰你。”在旁的松枝即笑言：“我冇遇过呀！近排冇遇过！”麦包又谓：“依家疫情期间，客唔多，勤力啲搵两餐OK嘅，冇乜客嗰阵，我又去做步兵，帮人买外卖，赚啲水脚。”至于松枝就于大围做“企街Sales”卖宽频，事前更专业到去上堂，松枝谓：“要考试合格先可以出去，要学计数、记频道资料，（企六个钟辛苦吗？）OK嘅！时间都好快过，系热啲啫！我撞到好多旧同事，又有fans递茶，有啲仲落埋单添！不过呢啲福利唔会维持好耐，《二月廿九》效应，顶隆三个月，如果ViuTV再开《辰叔前传》，咁就会耐啲！”麦包抵死谓：“你开《四月一号》，愚人节呀！”

经济压力大

现时香港经济不景，多人失业，娱乐圈很多台前幕后都没有工开，麦包坦言去年年中开始工作渐少，现时只为网上平台做节目，他谓：“都冇得担忧，时势系咁，（经济上有冇问题？）两个仔女都仲读紧书，阿仔出年读大学，压力都系经济方面，家姐喺澳洲读书，都想送个仔去外国，乜都可以悭，教育唔可以，作为父母梗系咁谂。”问会否打算移民，松枝谓：“移得去边呀？麦包续说：“亚洲人都打，有片睇啦！啲朋友嘅仔女喺外国读书，要约埋啲同学一齐出去买嘢，自己一个都唔够胆，所有环境都系咁，大家真系可以出去试吓，睇吓个世界。”松枝又谓：“大啲先啦！系要出去睇吓个世界，不过到时先算！依家都唔到你谂。”

松枝现时正为ViuTV剧集《淑女强人》拍摄，现时儿子11岁，松枝坦言：“工作系少咗一半，小朋友都出唔到街，疫情稳定，但出街会畀人指指点点，嗰种分裂系好担心，（个仔11岁好细啫！）我个仔唔系普通11岁，人哋问佢系咪中三，其实佢只系小五，外形又高又大只，依家最担心系社会环境气氛。”

庆幸有贤内助

问到两位中佬有否想过转行或转型时，他们异口同声谓：“呢行做到几耐咪几耐啰！娱乐圈系需要，系我哋嘅终生职业，要嘅系要转型！”幸而人到中年，身边有位贤内在为二人分担解忧，麦包：“呢大半年开始，老婆都会有压力，以前我好有信心，香港有对手唔怕饿死，但依家系咪我有对手就有嘢做呢？呢个先系问题！”松枝坦言自己看似乐观，担心亦不会表露出来，他笑言：“老婆一直都支持我，我哋嘅谂法系搵几多使几多，咁先有动力！”