黎诺懿减十磅谷胸肌 黄智雯麒麟臂油淋淋

etin

王浩信、黄智雯和黎诺懿日前为新剧《刑侦日记》开工，三人为角色操肌，前两位操到手瓜起𦟌，智雯更“搽油”上阵，挑战浩信的麒麟臂，而诺懿则白Tee下练到胸肌浮凸，相当亮眼。

由影后兼视后惠英红孭飞的无綫重头剧《刑侦日记》，在新冠肺炎疫情放缓下终于开工，日前王浩信、袁伟豪（Ben）、黎诺懿和黄智雯在尖沙咀拍外景，于后巷拆解凶案谜团。当中演双重人格的王浩信及演拆弹专家的黄智雯，都操到手瓜起𦟌，至于演警察的诺懿在白色贴身Tee下，亦显现胸肌。反之刚荣升业主的Ben，因为演心理医生，造型稍为收敛。

赞惠英红气场劲

计划再向歌唱事业出发的浩信，表示暂时未有时间：“我都有份唱主题曲，等我拍埋啲剧再筹划吓，今次角色系演双重人格，对我嚟讲系新挑战，所以要放多啲时间。（面对红姐可有压力？）我演佢个仔，大家都有精神上嘅问题，好多情绪上嘅演出要处理。”

未埋位前忙于“搽油”的智雯笑言：“因为我演拆弹专家，套衫都7、80磅，要操Fit体能，所以我特别晒黑啲，又搵教练喺屋企练习同节食，用咗两个月时间，手臂都实净咗，所以搽啲油出镜靓啲。（班底好强？）系呀，红姐气场好劲，所以不能松懈。”同样在家操肌的诺懿亦减了十磅，他笑言用了十日揼起副偈，说到减肥餐单，他说：“唔健康㗎，全日只食个乳酪，大家唔好学我！（疫情关系儿子今年停学？）系呀，佢BB班，好彩佢冇扭计唔畀我出门开工，因为我话佢知我开工赚钱买玩具畀佢！”

袁伟豪积极搵钱

刚荣升业主的Ben，笑言放了一个长假，系时候发力“还债”：“买楼后就要开始努力做嘢，之后供楼呀！（6,000万系可观数目？）系大胆㗎！但女友家人都鼓励我，自己计过条数，可以承担到，亦有动力去搵钱！其实我同女友一齐买楼都代表共同承担，结婚系迟早嘅事，有好消息会同大家讲！”