人称“小飞侠”的林燕玲(Ruby)和黄婉曼,一个是前新闻女主播,一个是前天气女郎,当年二人靓绝无綫新闻部,私底下她们亦十分老友,其实二人并非同期出身,Icy说:“Ruby系我偶像,我入电视台前佢已经离开咗公司,有次想约佢做访问了解佢人生,喺社交网约佢,虽然最后冇做到,但大家留下印象。”Ruby表示早已留意Icy,大赞对方人靓文笔好,之后二人因有共同朋友,很快熟落,她们的另一半亦是死党。
大赞师妹够特别 Ruby刚于上月诞子,与Icy不时分享做妈妈的心得。Icy说:“我生完第二胎时,觉得对唔住大女,照顾唔到佢,成日喊控制唔到。”Ruby亦自爆产后情绪波动:“生完好闷喺屋企执嘢,问老公啲嘢放边度,无数次,问到佢话唔使再问,嗰刻我觉得唔受尊重、畀人漠视,忍唔住喊。事后倾番,佢意思系话我系屋企主人,应该我话晒事。”Ruby现时除了搞网上生意,她主持的ViuTV节目《女主播智好倾》,邀请不同时期的共13位女主播亮相,除了黄婉曼外,还有蔡雪莹、骆文捷和金盈等,问到只邀靓女受访?她笑说:“佢哋全部各有特质,都系我欣赏嘅!我觉得Icy咁锺意睇跑马好特别,又专登去考牌学厨,仲有身材啦,会问佢点解可以咁靓!”
Icy直言婚后离开电视台,她说:“2014年到依家离开咗6年,当时做咗3、4年主持,学咗一个技能又放弃咗,一个事业起码要浸十年廿年,我学习咗,但冇再练习、发挥,几可惜!”​
|