艺人杨洛婷(Rabee’a)出席彩妆品牌活动,上周刚度过39岁生日的她表示,幸好禁聚令放宽,可以有机会出去见朋友,提到老公Tim特别订酒店与她过二人世界庆生,原本好Sweet,不过她指顶唔顺太挂住个女(Tanya),忍不住急call佣人带囡囡来酒店,她说:“谂住老公冇咁早起身,我带女去泳池游水,点知老公一早起身,唔抵得我哋两个游水,变咗一家三口游水。(依家锺意三人世界多过二人世界?)系!点算好,女好得意好多嘢讲,依家我好呷醋,女成日黐爹哋,话爹哋好靓仔,我都要靓吓,我黐个女,女就黐爹哋,早排佢同老公拍广告,我做阿四,佢依家知道开工就要化妆、整头和唱歌。”
Tanya现已两岁,问会谂追多个?她说:“成日谂,系时候认真啲,啲人话咁快生第二个,会错过同第一个相处,不过冇所谓,自己谂有就有,顺其自然。(凑个好字?)我想有个仔,想有个前世情人。”Rabee’a说在疫情下,主持的工作都暂停,她好趁这个时间教女儿学字,已成功教识囡囡英文字母及1至20,甚有满足感。​
|