陈凯琳贺老公入“五”！郑嘉颖宣布再做老窦

etin

前港姐冠军陈凯琳（Grace）去年为老公郑嘉颖诞下儿子Rafael，早前再传出怀有第二胎，年届50岁嘅郑嘉颖昨日喺社交网发文，指囝囝Rafael将做人哥哥：“Rafa is going to be a big brother soon!”正式宣布怀孕喜讯！佢晒出多张“一家四口”合照，并揽住Grace深情对望，当中见Grace虽然着上黑色松身裙遮肚，但都明显已经见肚。

Grace接受访问时笑言：“多谢大家关心，真系好开心，终于可以宣布，第二胎佗得都好稳定、好好，屋企人、特别系老公都好照顾我，所以心情好好，希望继续开心佗BB。第二次做妈妈都有心理准备，所以都放心嘅。”

而Grace亦有发文报喜：“Rafa好快就要做哥哥啦~ 好开心可以喺‘520’宣布我哋家庭将会多添一个新成员！喺呢段日子好感激我老公嘅细心照顾，亦都要多谢屋企人同朋友帮我保守呢个秘密同时送上充满爱嘅祝福畀我哋！”郑嘉颖回覆说：“有咗家、有咗老婆、有咗小朋友、先知道世界上最大嘅乐系天伦之乐。结婚之后过得好开心、好充实，好期待新成员嘅来临，开心到爆。”​