HKTV论坛

 找回密码
 立即注册

QQ登录

只需一步,快速开始

扫一扫,访问微社区

查看: 35|回复: 0

倾工作当情趣!杨偲泳赞男友张振朗系暖男

[复制链接]
发表于 2020-5-21 09:37:14 | 显示全部楼层 |阅读模式
艺人杨偲泳(Renci)入行五年,一直被视为ViuTV小花,不过大家认知的Renci,是无綫小生张振朗的女朋友,二人拍拖年多,一直低调,两位年轻艺人都希望大家专注他们的事业,故平时都未有太多提及另一半。

Renci于2015年因为王灏儿拍MV而出道,之后便为ViuTV拍摄剧集及综艺节目,2016年时,她因拍摄节目而参加飞行比赛,当时发生意外,令她入院并一度失忆,说到此时,Renci忆述谓:“嗰阵我醒时已喺医院,只记得曾经排队,所有发生过嘅嘢都毫无印象,我问咗经理人好多次:‘我喺边呀?呢度边度嚟㗎?’睇番啲片,我都问自己嗰个真系我嚟㗎?”

Renci坦言当时自己不太惊慌,只是觉很得意,问她若然要删除人生部分记忆,她会选择删除甚么时,她想了一会谓:“我会想删除以前自己casting时嘅片段,因为我份人太慢热,慢热嘅情度系众所周知,外内不一,我对待相处耐咗同啱啱认识嘅人态度系天同地之分,听得最多系:‘原来妳系咁㗎?’私底下我系一个几诙谐、好虾碌、乌龙,成日都会整唔见嘢,整烂嘢嘅人。”至于过往的面试经历,她不讳言入行5年超过50个面试,当中有九成都是失败的:“初次见导演我会好怕羞,讲嘢好细声,畀人感觉好柔弱,就算依家每次casting我都会好紧张,(入行五年都咁?)系,反而真系埋班拍摄,心态专注工作又好好多,但平时人与人之间沟通系好慢热,(唔怪得张振朗话妳难追,你成日请佢食柠檬!)唔系好多次,一次啫!呢个唔关慢热事,纯粹我嗰吓感觉,唔可能自己未清楚就答覆嘛。”

现时ViuTV播映的剧集《叹息桥》中,Renci饰演年轻版的卫诗雅,监制林保怡要求她演出时要有港女feel,说到此剧反应一般,选角亦没说服力,她坦言一开始与监制、导演接触时,都觉得大家外形不配,但其实是需要那种感觉、价值观、小动作要有类似地方,并不是选一对类似的人,她解释谓:“我哋拍前全部人一齐食过饭,有互相认识、沟通,我哋唔系要做孖生姐妹,冇刻意模仿大家,只需要有啲相似特质,有一个共同身份,处于不同时间嘅事。”

拍摄《叹息桥》时,Renci都有份到比利时拍摄外景,当时正值那边是冬天,突然间会落雹,之后又变暴风雨,天气变幻无常。不过,她大赞监制林保怡是一个暖男:“嗰阵好冻,每朝我哋都要好早起身,有一日喺古堡拍摄,嗰度系郊外地方,保怡一早就为我哋冲好晒啲杯面放喺枱面,我哋再唔使挨面包,嗰一刻佢好似有个光环喺个头上嘅天使咁!(咁易凼?)其实我系好易凼,(咁张振朗系咪暖男?)佢绝对系一个暖男,都会做到啲嘢令我好心暖,佢系一个好温柔嘅人,大家好多时工作好攰、相处时间唔多,佢好愿意花时间,点都安排见个面食个饭,好珍惜大家仅馀相处嘅时间。佢都好细心!不过我哋都系低调嘅人,想以工作为先,我哋都有共同想法。”问二人有否想过合作时,Renci指没有此想法,但就会互相给大家意见,亦因此相处时多了一份乐趣,问会否介意振朗跟女艺人拍亲热戏时,她谓:“咁冇办法,因为我哋大家都做呢行,如果掉转系我呢?工作还工作,唔会有呢啲想法,我相信大家都系成年人,对自己工作有份尊重,我系演员,就要做番我嘅分内事,佢都系一个好专业嘅演员。”

Renci过往演的都多次“妹妹仔”年轻角色,不过她不讳言想挑战一下武打戏,向来有打排球的她表示:“可能自己打排球,锺意周身郁,近呢一年都有接触武术、泰拳,想实践出嚟!不嬲自己都畀人感觉好妹妹、柔弱同悲惨,想畀另一个我大家睇到。”说到之前《诡探》一剧中的神婆演得很好,她笑言自己都很喜欢这个角色,其实神婆的性格有部分都跟自己一样:“大家都系好调皮、不修边幅,但去到后期,将那份倔强呈现埋出嚟,就算系小小一口气,佢都想尽最后努力,嗰部分同自己好相似,我相信每个人都有最脆弱嘅地方,问题系点将佢治愈到,我就系会扮叻、扮坚强,神婆亦系一样。”

2019年,Renci亦跻身大银幕,拍过电影《催眠裁决》,之后亦与谈善言拍了一套有关同性恋题材的电影《喜欢妳是妳》:“故事讲我哋谈恋爱,跟住出嚟工作,成长阶段点样面对同性恋困惑,我同谈善言本身好好朋友,拍时我哋试过真系同居、一齐食饭,所以好合拍,大家好似有无形默契咁。片中都有亲密接触,不过唔会好激烈。”此外,Renci的身材经常被外间注视,问及此时,她大方谓:“都咁多年,我相信自己有其他嘢畀大家欣赏到,所以畀人讲时都冇乜感觉,个身体都系我自己㗎咋!”​

您需要登录后才可以回帖 登录 | 立即注册

本版积分规则

手机版|Archiver|HKTV8

GMT+8, 2020-7-8 11:53

Powered by Discuz! X3.4

Copyright © 2001-2020, Tencent Cloud.

快速回复 返回顶部 返回列表