抽离唔到角色 郭富城怀疑自己濑嘢患绝症

etin

由影帝郭富城主演的电影《麦路人》因疫情关系延期上映，呢日佢同导演黄庆勋齐齐做fb直播讲吓套戏，喺拍完呢套戏时，佢因为太过入戏搞到自己以为同角色一样患咗绝症！呢次系城城第一次做fb直播，喺分享拍摄难忘事时，佢话因为角色人设系烟不离手，只要一有钱就要去买烟，所以套戏入面见到城城烟不离手，其间食到咳唔停，工作人员劲担心仲提意佢去睇中医执剂药食吓，角色最终患上绝症：“拍完之后我成日觉得自己唔舒服，以为自己濑咗嘢都系患咗绝症，好担心之下去咗睇医生做身体检查，报告出嚟医生话我身体好好先至安心晒。”

随时演员变导演

而城城透露自己五、六前曾喺去厕所时谂到一条好桥，更加搵咗人写个古仔出嚟，随时有机会由演员变成导演：“我嘅性格系鸡蛋里挑骨头，做导演个景唔啱、状态唔好又唔拍住，都唔知要拍几耐先拍完，做导演同演会令我分心，依家都系做多阵演员沉淀下，之后可能会做导演。”