森美自爆曾丢低老婆 讲到明嫁女礼金

etin

艺人森美日前担任网上平台节目嘉宾，本是DJ出身的他口才了得外，更创作了“邮差叔叔送信纯熟迅速送出”这句急口令。在广播界打滚多年，当被问到如要提携新人，他坦言：“咬字比急才重要，一个人讲嘢字正腔圆，等于我听佢讲嘢听得辛唔辛苦，如果令我听得辛苦，无论佢讲嘢几叻，听落都会周身唔聚财。我系好怕好多懒音嘅人。”森美拒绝懒音，所以他说话咬字也会分外着重是否清晰，不过原来他也有死穴，就是麦浚龙（Juno）：“我成日讲唔到佢个名，每次播佢嘅歌，我就会讲咗‘麦重轮’。”

森美对于家人也是公认的好老公、好爸爸，不过他在节目中剖白，过去曾试过丢低太太：“试过搭的士，一落车就闩埋度门，然后先发现漏咗老婆，其实主要系因为顺手，佢畀紧钱又未落车，咁我就好顺手闩门，点知闩完先知出事。”幸好太太未有怪责，森美更笑言，老婆跟电话不同，他说：“电话漏低咗唔会返嚟，但老婆点都会返嚟。”

森美对于一对子女亦甚为爱锡，问到可有幻想将来爱女出嫁的情况，他只会想到：“开心，有礼金！”他解释道：“因为唔舍得唔系依家，以前已经唔舍得过，就系佢进入青春期时，佢觉得老窦系一个核突嘅中佬，所以佢已经走咗，佢已经属于另一个男人，所以我一定会问佢攞礼金。”