唔当攞过最受欢迎女歌星 菊梓乔重新开始

etin

歌手菊梓乔（Hana）曾连夺两届“最受欢迎女歌星”，但反而未有太大压力，她说：“我好衰嘅，攞完就当冇攞过嘅，因为我好怕自己畀咁大压力自己，好怕自己觉得系啲乜嘢，好多时候我觉得奖项永远系团队攞嘅，我系帮团队攞，唔系我一个人嘅努力，如果一个人能够做到，就唔会依家先做到啦，呢几年沿路上有好多朋友、公司、同事、音乐班底等各样去形成呢个奖项，我觉得呢两年系好幸运，我系要多谢公司一直以嚟对我嘅支持。”

她可担心攞完奖后，翌年会保不住个奖？Hana笑言不怕：“攞过已经好开心，就好似攞咗香港小姐冠军咁，唔会好想攞多年，因为你已经有过呢个光环，已经好幸福，可以再攞多年系好感恩，不过攞完我将所有嘢归零，会同自己讲重新开始，如果唔系我个冲劲同热诚会减退，每一日我都会提自己。”

而最近因为新冠肺炎宅在家的她都闷到发慌，拍了多张表情包大头相冧粉丝，留言：“在家的第N日，看了N套戏N本书，N次煮嘢食NNN，没梳头没化妆，原来我都几宅得，你呢？这些日子都在做甚么？”​