爆馬國明飲茶 否認鄭嘉穎與導演吵架 林子善：可能講嘢大聲

林子善日前在港補擺喜酒，興奮過後即投入工作，今日出席無綫新劇《棟仁的時光》宣傳活動。提到婚宴當晚傳出兄弟之一的鄭嘉穎疑醉酒與導演吵架，最後黑面離場，林子善聲稱無察覺此事發生，知道大哥（指鄭嘉穎）最後是嘻嘻哈哈離開酒店的。林子善表示：「第二朝瞓醒有記者打畀我先知有咁嘅事，所以再問番兄弟有無此事，大家話無﹗可能是講嘢大聲，阿Bob（林盛斌）與嘉穎飲得好開心，有機會說話大聲了，所以有咁誤會，未必是嘈交﹗」

至於馬國明事前表明千杯不醉，會為他頂酒，林子善笑說：「我就唔覺（頂酒），我在台上敬酒就大家都知，通常敬酒周圍走就要頂（酒），他都不用做這些，咁頂咩？自己喺度飲茶，根本就無（頂酒），同埋佢唔飲得，唔飲酒，份人懶叻又唔食煙，人哋問佢食唔食煙，又話食咗3包，佢是好鍾意講笑，話幫我頂酒都是講吓﹗」