仔女安排去相睇？薛家燕被催搵第二春

藝人薛家燕出席新城狗年新春團拜活動，講到之前擔任黎小田演唱會嘉賓被Fans催婚。家燕笑言：「佢喺觀眾面前指我要養3個仔女、話點養喎！（佢欠誠意？）係喇，佢應該話生多個都照要，依家我哋昇華到好朋友、互相支持，催婚只係大家講笑。」家燕稱開頭請小田繼續做節目《流行經典50年》，小田說不做了，她便對小田說：「又話照顧一生一世，而家一生都未照顧到喎，所以佢最後都答應做節目做到今年6月。」

講到子女可想她找另一半？家燕說：「佢哋有呀！成日都安排一啲人同我食飯，不過自己實在太忙，只係食到兩、三次食飯，食飯時又要忙住接電話，都有試過睇戲，但我又太攰瞓着咗覺，所以真係太忙，冇時間諗喇，寄情工作。」