洪永城避談鬼祟復合：望明年三個去拜年

藝人洪永城（Tony）出席新劇《丫鬟大聯盟》拜神儀式，笑言難得農曆新年冇放假，今年預備了5位數字派開工利是，但極速派完，即時致電助手求救：「即刻幫我去銀行，幫手準備多50封利是！派得愈多愈好，希望可以賺多啲。」

單身的Tony透露有到親戚家裏拜年，面對「問答比賽」，他笑言：「有問我點解唔係兩個人來嚟，但都窩心嘅，希望明年可以兩個、甚至三個！（同唐詩詠一齊拜年？）冇喎！或者之後有共同朋友可以見到面。（新年願望搵另一半？）都係嘅。」Tony早前與拍檔黃翠如合照惹來迴響，他表示二人將再次合作旅遊節目，望主持能力更上一層樓，向《四個小生去旅行》睇齊。

此外，Tony被問好友梁嘉琪情變一事，他表示已短訊問候對方：「佢心情OK，佢係我認識嘅女仔當中最堅強嘅一位，時間係會沈澱一切，畀少少空間佢。」