韓國人氣男團GOT7的香港成員Jackson(王嘉爾)、吳業坤、胡鴻鈞(Hubert)、鄧小巧、黎曉陽及Supper Moment(SM)到旺角出席倒數迎新禧活動,獻唱多首歌曲,又跟粉絲玩遊戲與合照,幾層商場都逼滿人圍觀。Hubert和Sunny@SM唱歌期間走落台與粉絲互動,令粉絲興奮尖叫!受訪時,吳業坤大爆情人節想約Hubert但遭拒絕,笑指對方「有景轟」。Hubert就解釋看到吳業坤在社交平台上載醫生紙,擔心對方有流感,又不想在大日子令對方的追求者失望。吳業坤表示見到Hubert已精神很多,過年會跟樂易玲拜年,又會與巨聲幫聚會。
問到可有留意狗年運程?吳業坤化身「吳師傅」說屬馬、兔及虎的不錯:「我哋都屬馬,可以一齊上。我準備好晒,着咗紅底,傳統嘢一定要做。」Hubert自言只穿了「紅面」,不知家中有沒有紅底,記者提議他拿吳業坤的紅底,Hubert即說家人有幫手準備,新一年亦想與家人度過:「之後我會去歐洲旅行10日,等爹哋媽咪可以拍吓拖,唔使擔心我。(同女仔去?)有仔有女。」吳業坤指去年去了旅行,因此利是𢭃少了,今年決定留港拜年和做孝順仔:「都準備咗開工利是,搵朋友設計咗新嘅吳業坤公仔。」
|