否認被封殺 張繼聰：享受拍TVB劇

藝人張繼聰接拍無綫劇一部接一部，近期有份演出的台慶劇《誇世代》正在熱播中，但有指張繼聰因經理人公司老闆蕭定一與無綫關係有變，原因是去年佘詩曼（阿佘）演出的電影版《十月初五的月光》超時補水問題鬧官司，結果拖累張繼聰被封殺。

阿聰回答東網訪問時說：「我睇咗呢個新聞，但我真係唔知喎，係咪傳聞嚟？未經屬實？我諗未經屬實…我都唔知喎，當係宣傳我哋《誇世代》嘅劇啦，聽日都會繼續參加《誇世代》嘅宣傳活動。當然依家播緊《誇世代》，好多觀眾朋友話睇得好開心，我都好開心，我都好享受拍TVB啲劇，因為人呀、製作班底、好多演員都好有感情，所以係開心，但暫時明年主力喺電影，不過唔好講咁多，依家個劇播緊，大家捧咗《誇世代》場先啦！」

談及蕭定一指阿聰將主力放在電影上？阿聰補充：「係呀…係呀！老闆講得啱嘅，我個重心會放喺電影多啲。」