【Kiss完繼續發展中】湯洛雯：有結婚念頭先會公開

湯洛雯與羅天宇緋聞傳足4年多，兩人一直未有承認，日前湯洛雯出席活動亦只說發展中。不過羅天宇本月1日30歲生日在湯洛雯家中開派對慶祝，湯洛雯更在眾好友面前與羅天宇咀嘴，非常甜蜜。

湯洛雯昨晚出席《big big channel失驚無神賀中秋》，問她是否公開戀情？她說：「無話公唔公開，我哋無預到啲相會流出，是有朋友不小心擺出來。我前幾日都講話發展中，嗰日佢生日大家起哄，咁開心就畀咗個kiss佢！哎吔，好尷尬。」她還透露羅天宇捧著的蛋糕是她親手整，心意最緊要。

見家長未？她指那天家人都不在家，但之前有撞見過。「啱啱開始發展，見家長要等進一步先。如果穩定，有結婚念頭先想公開，依家未有這個想法，想大家焦點放在我哋工作上。」