孖女友家人提早慶祝 陳山聰生日照開工

時忙於拍攝無綫新劇《逆緣》的藝人陳山聰今日（2日）正日生日，連日來都與好友及家人慶祝，昨晚開廠時，更獲隔籬廠劇組的同事陳煒、岑麗香、黃浩然、林子善與他慶祝，山聰坦言：「尋晚要開通宵，不過都好驚喜，子善好有心，去公司canteen搵咗啲蛋糕仔，班到支蠟燭幫我倒數慶生，好感動。」山聰都有預早與至愛的阿哥、阿嫂及女友apple慶祝，山聰又跟哥哥玩得好High，又指對方就如他的爸爸一樣，有今生無來世，果然好兄弟。當然仲有山聰女朋友apple，他倆與山聰的阿哥、阿嫂嚟張四人型男、美女合照，真係sweet爆。山聰接受東網訪問時坦言：「今年阿哥同我提前慶祝，今晚我都要開廠，所以下午就會同女朋友食餐飯。」