【感情穩定】沈卓盈：希望《少婦聯盟》成員都搵到好歸宿

沈卓盈今日出席中秋節活動，透露當日若果不用開工，會與家人一同慶祝，而男友Calvin亦會參與其中。笑指男友已融入家中？沈卓盈說：「是，他已好融入，屋企人聯絡他多過我﹗（是否好事近）是開心、開心﹗（已有計劃？）無講過，覺得現在相處好開心﹗（已經同居關係？）唔好問呢啲…，屋企人都喜歡，接受他，家姐好多時搵不到我就搵他，已經跳過我去搵﹗（即是已同居？）私人問題不答了，都是…放過我啦﹗（等緊對方求婚？）遲些告訴大家﹗（已經求婚？）未，現階段大家相處得好開心，需要些時間了解、磨合。（拍拖幾耐？）年幾，都穩定﹗」

沈卓盈提到感情事明顯避忌，她否認與前一段感情已達談婚論嫁而有所保留，只是對感情事認真，想在大家有共同目標思想下去計劃結婚。提到好友徐淑敏亦緊張她的婚期？沈卓盈說：「由她結婚當日已想我搵到好的歸宿，當然作為好朋友，亦希望好姊妹都搵到，所以我都希望《少婦聯盟》成員都搵到好歸宿。」沈卓盈更透露《少婦聯盟》於12月往北海道拍攝旅遊特輯，屆時不介意在鏡頭互爆秘密。