马国明孭老伯伯逃亡 获赞100分暖男

etin

马国明、朱敏瀚（朱仔）、刘颖镟、戴祖仪等主演的无綫剧集《飞常日志II》昨晚（26日）大结局，剧情是机场无人驾驶列车因断电停驶，马国明要孭着一名老伯伯沿紧急通道步行离开隧道，对于马国明来说，相关场口绝对是耐力及体力的考验。谈到场口，监制Andy大赞马国明专业，且是百分百100分暖男：“呢场戏拍摄时段主要系凌晨，拍摄时佢真系需要孭住伯伯成两个钟”、“佢好take care伯伯，无论孭起伯伯、或者放低伯伯，佢都好小心翼翼、好识照顾老人家，‘绝世好男人’呢个朵佢当之无愧。”而为了令马国明拍摄时不至于太吃力，挑选伯伯演员时花了不少时间：“除咗要搵身体情况良好嘅伯伯，仲想搵个瘦同轻嘅。”至于朱仔为了帮助剧中行动不便的游嘉欣（游游）离开隧道，同样要长时间孭著游游，更要背著她步行极多级楼梯，而朱仔不但未有气喘，还能顺畅地念出一堆对白。
据知，由于朱仔孭了游游走上走落、行出行入足足数小时，故排练最后一个镜头时，竟不以为然地将游游“掟落地”，引发全场爆笑，监制Andy笑言：“我忍唔住嗌cut同问朱仔，你作为一个男仔，可唔可以对女仔温柔啲？”虽然如此，但游游对朱仔赞不绝口，指对方当时是负伤上阵：“其实朱仔拍呢场戏好辛苦，佢嗰时咁啱只脚韧带断咗，但又要孭我又要上楼梯，我记得嗰晚佢行嗰趟楼梯至少行咗十几廿次，系真系出晒汗，因为嗰条楼梯其实好窄，拍摄上要就好多嘢，同埋条楼梯系有啲焗。跟住出到去地面要放低我嗰幕，其实嗰吓因为佢只脚伤咗，佢孭住我再踎低放低我其实系有难度嘅，而佢放低我之后，我为咗配合角色行动不便嘅设定，我系需要多几秒去用对手撑住自己，但因为佢真系再多一秒都撑唔到，冇等我做好晒个动作就放咗手，变相我就成个人跌低咗。最搞笑系，大家见面嘅画面系，佢捉住我只脚，但我个人又喺地下爬紧，谂番起都好搞笑。”