许绍雄女儿许惠菁签约阿Bob公司出道 痛失至亲后勇敢追梦

etin

资深演员许绍雄（Benz雄）于去年10月病逝，独生女许惠菁（Charmaine）经过数月平复心情后，努力振作投入生活，昨日（9日）在社交平台宣布加入由艺人林盛斌（Bob）主理的棋人娱乐（Chessman），主力做司仪工作。Charmaine晒出多张新造型照，并留言分享心情：“半年前嘅我点都唔会谂到呢段时间会需要经历接二连三嘅变化，3个月内一次又一次咁推我出Comfort Zone，但系老土啲讲句when life give you lemons,make lemonade，好感激呢段时间有屋企人同一班朋友嘅陪伴，关怀令到整杯lemonade嘅过程容易好多。”亦不忘多谢Bob：“好多谢你成日keep me in mind同邀请我加入呢个family，期待新嘅学习新嘅尝试，请大家多多指教啦。”Charmaine接受传媒访问时表示：“系呀系呀，我签咗chessman，多谢Bob畀机会我加入呢个大家庭，我冇资格继承爸爸嘅衣钵呀，我有好多好多嘢要学，希望大家多多指教多多支持。”

问爸爸生前是否都赞成她入行？许惠菁坦言：“只要我做得开心，爸爸都会支持，所以呢种冇条件嘅爱系我永远都会怀念同感恩。”问会否尝试拍戏拍剧？她透露读大学时，都有幸做好多学校event的司仪：“所以一路喺呢方面都好有兴趣，拍剧拍电影就要睇机会啦，有乜嘢新尝试都会尽力去做好佢。” 而Bob接受传媒访问时表示：“其实由佢开始做网上频道嗰阵，我已经有留意佢，我觉得佢感觉好清新，好有阳光气息，好正能量，然后大家再倾落去嘅时候，知道佢都好想向主持同司仪方面有更加多嘅发展，所以大家就尝试呢个合作，希望我哋可以提供多啲嘅平台畀佢做佢想做嘅嘢，亦都希望佢嘅出现令到我哋嘅司仪团队带嚟新嘅力量，大家一齐去努力，一齐加油。”更透露经理人已帮她洽谈新工作：“希望成事，等大家见到佢喺台上面做司仪同主持嘅表现，我相信佢一定会愈做愈好嘅。”