王君馨准备1年成功怀孕 望生两个凑成“好”字

etin

现年38岁的艺人王君馨（Grace）与圈外老公结婚8年，去年底于社交平台宣布造人成功。近日她接受电台访问，分享佗蛇B的心路历程，直言希望生够两个，凑成“好”字。Grace目前已怀胎5个多月，待产中的她自揭未有任何准备：“预产期系5月，我成日以为系两个月前先要买定晒啲嘢，依家准备好似有啲太快，我想感受吓BB锺意啲咩先。”被问到怀孕后情绪的变化，她说：“原来真系会好情绪化，我头两、三个月变得好感性，我睇睇吓饮食节目都响度喊。”

她去年10月推出首支跳唱广东歌时，其实已得知怀孕，却一直赴电台跑宣传：“因为未同纽约老公嘅屋企人讲，所以当时未有对外公布，我哋想等到11月尾感恩节，返去嗰边亲自同屋企人交代，我哋仲特登为老爷奶奶做咗两件写住‘grandpa’同‘grandma’的卫衣做礼物，佢哋一打开就知道，好惊喜！”她又透露夫妇俩准备了1年便怀孕成功：“都算系顺利，不过之前去做身体检查，发现身体入面有啲息肉会影响怀孕，所以先做咗个小手术，手术之后都要休养，系估唔到怀孕试咗差唔多6个月就有咗啦，系好感恩。”Grace又指老公喜欢小朋友，故不讳言会追多个：“我老公好想生仔，可以为屋企开枝散叶，我自己都好想凑成个好字！”