连诗雅专登早起教爱女叫妈妈 自认恨追B：生两个系唔够

etin

歌手连诗雅（Shiga）在北角为HOY TV节目《见招拆招风水局之布局》担任嘉宾。Shiga原来已经与无綫约满，故能够亮相其他平台，讲到可希望与老公陈家乐一起拍摄电影？她笑说：“唔抗拒同佢工作上合作，但系试过拍剧感觉有啲怪，因为做一对又怪，唔做一对亦都怪。”虽然已做妈妈，但她指老公也不会阻止拍摄亲热戏，到时他不看就可以了。Shiga指屋企现在有了囡囡新成员，将来也可能考虑要搬屋，讲到可会趁机找师傅搵间风水屋？她说：“我依家间屋已经有搵师傅睇，师傅话我哋间屋旺丁，估唔到咁快就有BB，都有问师傅我几时发达，大红大紫，佢话我子女宫好啱生仔，最好生多几个。”可会生多几个？她说：“最少两个，都有谂过更多，自己好锺意小朋友，同埋未去到搵学校嗰啲辛苦阶段，依家见到个女咁得意，觉得两个系唔够。依家每朝都要早起身过老公，训练个女叫妈妈，但系个妈字系比较难发音，所以应该会叫爸爸先。”讲到好友黄翠如公布喜讯，Shiga戥对方开心，也欣喜因为拍片摄一套剧集，多了两个闺蜜、两个姐姐，见证住她拍拖、结婚到生仔。她又指有与翠如分享安胎心得，问到可知道翠如曾经历小产之痛？她说：“都知道，但系冇特别问，每个人遇到唔开心，都需要时间沉淀，同埋空间。”