黄德斌谈夫妻相处之道 叶童：只眼开只眼闭

etin

艺人叶童及黄德斌下月将首次合作演出舞台剧。谈到当初得悉与德斌斗戏，叶童笑说﹕“我哋其实唔系好认识对方嘅，所以都担心究竟系咩人嚟㗎呢，然后发现呢位男士真系有啲麻烦，又Cool喎，不过相处落就发现，只要同佢倾多啲，佢就会滔滔不绝。”她又表示今次舞台剧涉及很多人性内心世界：“例如好多嘢究竟讲定唔讲呢？如果讲咗出嚟，接唔接受到个后果呢？”德斌续说：“我哋两个一个系脑外科，一个系脑内科嘅医生，谂嘢方法完全唔同，我要所有嘢都要讲得清清楚楚。 ”两人更即时上演嗌交场面，令德斌哭笑不得!

谈到人与人之间的相处，是否应该坦诚，叶童坦言﹕“我觉得每样嘢都可以包装嘅，想讲对方可以讲得正面啲，唔好咁负面，呢啲系说话嘅技巧，同讲大话冇关。”德斌接口笑说﹕“我就觉得大话最好唔好讲， 系唔够胆讲，惊畀人拆穿，又惊自己唔记得讲咗大话，到穿煲嘅时候，两个人就会失去信任。”说到夫妻之间的相处之道，叶童则谓：“我觉得系要只眼开只眼闭，虽然我同老公相处咗咁多年，但仍然会有唔同嘅见解，所以唔好有太多嘅坚持，要强迫对方认同。”德斌非常认同她的讲法：“所有人都系独立嘅个体，你冇可能强迫对方一定要认同你，所以无论几多年都好，都要保持大家可以有自己嘅独立见解同埋思维，我觉得呢个就系最好嘅相处方式! ”