张馨月罕晒富贵老爷奶奶合照 坐稳家族地位好得宠

etin

艺人林峯太太张馨月平时最爱晒恩爱及亲子乐，好少见佢同其他家人合照，但其实佢喺林峯富贵家族好得宠，为力证自己喺家族嘅地位，张馨月激罕晒出自己同老爷、奶奶一齐去长沙游玩嘅合照，张馨月妈妈亦有同行，关系非常融洽。张馨月于2019年嫁畀林峯后，翌年即诞下爱女“格格”Luna，不过二人至今仍未补办婚礼，有口臭网民就曾揶揄张馨月不被林家重视，即使张馨月已表示对于婚礼佢都唔Care，但仍被唔少网民拎嚟讲。今次佢晒出家族合照，仲要企喺C位靓靓登场，都够令网民收口。