陈奕迅个唱云集巨星好友 当住谢霆锋面前抽水扮Chok

etin

前晚（18日）陈奕迅（Eason）在红馆举行第8场《Fear and Dreams》演唱会，这两晚不少圈中好友到场支持，包括胡杏儿、李克勤及Eric Kwok等，就连好友谢霆锋（17日）也有现身，问到知否Eason在台上扮他Chok，谢霆锋笑着说：“系咩？我唔知，不过都有睇佢演唱会新闻，好戥佢开心，好成功。”由于天气转寒，要一口气连唱29首歌的Eason，要常喝水免影响声线，又笑言因说话太多，因“风入口喉咙就乾”，身为“吹神”的他除了唱歌，当然不停的“吹”，每晚上演“陈大师开talk”！

​（17日）第七场Eason已禁不住“吹神”的本能：“唔好以为我唔惊，其实我好惊。咁大个空间，你又试吓，你就算依家隔离嗰个坐近少少你，你都会缩开，心谂不如避避啦，点知佢有冇嘢。”他又说在2018年开始构思个唱，当初想做4D骚，加插气味体验：“谂住唱到咩歌，你可以闻到咩气味，例如海风，落雨，因为我觉得天气系好影响人类情绪。好似最近冻，大家都唔想开工，想系床瞓多阵。我系一个守唔到秘密嘅人，忍唔到口唔讲，不过呢几年好多嘢讲咗都发生唔到。呢几年我好忙㗎，打网球、打网球、同打网球，练下气啦咁，谂住唔知几时可以做番骚，都要keep吓，唔好畀自己肥。好开心我哋终于等到啦！可以同大家一齐见面，系值得等嘅，有时系会紧张会惊，但系好彩，It is a good day，所以大家都系唔好谂太多，享受目前呢一刻先，keep yourself busy，烦恼会解决到嘅。”

至于前晚适逢世界杯总决赛，Eason笑说“唔好搞咁夜”，又反问观众门票价钱：“全部都系$980？但系你坐第一行真系冇后面的$980咁好，无论声同视野，后面一定好过第一行，佢哋视野阔好多，睇晒成件事，都系坐后面着数少少。”此时有观众大叫：“我系炒飞先入到嚟！”Eason闻言即说：“唉，黄牛飞，对唔住，我唔知有咩方法可以杜绝。”由于不少歌迷经常大叫：“我爱你！”Eason笑说：“你哋唔好咁肉麻，其实我都好锺意听，哈哈，但系叫我靓仔就太过分，因为我有自知之明。”

另外，Eason个唱的安歌部分片段，在短片频道连续一星期雄霸头三位，一人独霸头三个席位实属少见，而在某音乐串流平台中的广东唱片专辑榜头廿位中，Eason的新旧专辑占据了13个位置！而Eason安歌时选唱的歌曲，掀起网民热讨，推测Eason是按照历年推出专辑的次序来挑选。