曾经历两次人工流产 符晓薇宣布大肚：得来不易嘅礼物

etin

歌手陈柏宇太太符晓薇（Leanne）曾经历两次人工流产，仲边喊边拍片同网友公布不幸消息，好在佢同陈柏宇都冇放弃，昨日（14日）就喺社交网宣布终于成功怀孕，为囡囡Abigail添一名妹妹：“上年我同自己讲无勇气再怀孕 今年估唔到上天送咗份礼物畀我哋 感恩我可以再次怀孕 每日都抱住担忧同感恩嘅心情 得来不易嘅礼物 只希望妹妹健康平安出世 我知道好多人都估到 你哋inbox 留言问我系咪有咗 我都好想同大家分享 不过上两次经历对我有好大阴影 所以我无正面回答大家 但系个肚大得太快 今日就同大家分享呢份喜悦 我会同妹妹一齐加油”Leanne前年虽然曾再次造人成功，却不幸发现系宫外孕，要紧急做手术切除一边输卵管。去年初发现再度怀孕，可惜产检发现胎儿患有“爱德华氏综合症”，最后都要接受人工流产，一年时间内经历两次流产，令人心痛。