余香凝反对妹妹余洁滢入行吵大镬：我嗰刻变咗佢阿妈！

etin

艺人余香凝（Jennifer）与妹妹余洁滢（Zoe）早前为J2台节目《铺铺Poker》任嘉宾，比妹妹早入行的Jennifer自爆曾反对Zoe加入娱乐圈，更因此吵架了一晚，她说：“我嗰刻系变咗佢阿妈，觉得佢唔知呢行系点，但佢会谂‘我都未试，做咩畀咁多质疑我？’”Zoe接着说：“我系觉得你（Jennifer）都试咗咁耐啦，点解唔畀我试吓呢？”

已升呢妈妈的Jennifer笑言曾抱住囡囡赌钱，并笑言：“抱住佢玩鱼虾蟹，运气都OK喎！”主持之一方力申问Jennifer生完BB后，老公家庭地位有否“降呢”？Jennifer大晒幸福说：“依家仲系蜜月期，好似未拍够拖咁，有时趁BB瞓咗会两个人玩Poker。”Jennifer透露生完小朋友后，心态上亦有很大改变：“终于明阿爸阿妈点解话身体健康唔系为咗自己，依家身体健康系为咗BB，所有嘢都系以BB为先，好似冇咗自己咁，真系要Ready冇咗自己先好生。”主持郭伟亮（Eric）闻言即感触地回应：“呢个就系我唔生嘅原因，未Ready冇咗自己！”