靓靓生日畀仔围 冧爆捧Cake对众咀嘴张智霖

etin

艺人袁咏仪（靓靓）今个月4日系佢51岁生日，生日正日佢就上载自己嘅歌舞片应援，力撑老公张智霖（Chilam）喺综艺节目《披荆斩棘》嘅团体演出。唔好以为佢个生日闷住过，原来Chilam早有准备，佢联同“哥哥”刘恺威及台湾王大陆齐齐现身贺老婆生日，靓靓即场收到两大束鲜花，更有一个双层立体蛋糕，Cake上除咗有佢哋一家三口背影卡通，仲有靓靓两只爱犬阿金、阿喜嘅造型公仔，非常精致。​靓靓对蛋糕许愿：“我希望今天这里所有人都身体健康，身体健康非常的重要”之后佢仲同Chilam深情对望，对住现场咁多人都，当众相拥咀嘴闪到爆，场面温馨又甜蜜，反而就未见佢同两位哥哥有过多互动，明显眼中只有Chilam。